Ötən həftənin yekunlarına görə, ABŞ-da neftin kommersiya ehtiyatları 10 231 min barel artaraq, 424 128 min barel təşkil edib.
Bu barədə ABŞ-ın Energetika Nazirliyi yanında Energetika İnformasiyası Administrasiyasının (EIA) dərc etdiyi hesabatda bildirilir.
Məlumata əsasən, bundan öncə analitiklər ABŞ-ın kommersiya neft ehtiyatlarının 3 595 min barel azalacağını proqnozlaşdırırdı.
Qeyd edək ki, ABŞ-da neftin kommersiya ehtiyatları ardıcıl dörd həftə azalmadan sonra artıb.
ABŞ-ın neft ehtiyatları haqqında məlumatlar dünya bazarında “qara qızıl”ın qiymətinə əhəmiyyətli dərəcədə təsir edir.
