ABŞ-ın regional bank səhmlərinin indeksi “First Republic Bank”ın iflasından sonra mayın 2-də 5%-dən çox düşüb. Bu barədə birja məlumatlarına istinadən “The Wall Street Journal” (WSJ) yazıb.
Ən çox itirən banklar bunlar olub:
“PacWest” (Los-Anceles, Kalifornia) – 27.78% azalıb,
“Metropolitan Bank” (Nyu-York) – 20,45%,
“Western Alliance” (Finiks, Arizona) – 15.2%,
“Truist” (Atlanta, Corciya) – 7.68%,
“US Bank” (Minneapolis, Minnesota) – 7.01%.
Eyni zamanda, böyük Amerika banklarının səhmləri də ucuzlaşıb: “Wells Fargo” – 4%, “Bank of America” – 3%, “JPMorgan” – 2% düşüb.
Mayın 1-də Federal Əmanətlərin Sığortalanması Korporasiyası (FDIC) “First Republic Bank”ın bağlandığını elan edib. Bank FDIC-nin xarici idarəçiliyinə keçib. Tənzimləyicinin qərarına əsasən, o, “JPMorgan Chase”ə satılacaq. 13 aprel 2023-cü il tarixinə “First Republic Bank”ın aktivləri təqribən 229.1 milyard dollar, depozitləri isə 103.9 milyard dollar təşkil edib.
“First Republic Bank” – son iki ayda çökən üçüncü Amerika bankıdır. Mart ayında FDIC “Signature Bank”ı başlayıb, onunla eyni həftədə “Silicon Valley Bank” iflas edib.
