11 C
Baku
Çərşənbə, Dekabr 8, 2021

ABŞ “Intel”ə ölkəni çip qıtlığından xilas etməyi qadağan edib

ABŞ prezidenti Co Bayden “Intel” şirkətinə Çində istehsalı genişləndirməyi qadağan edib.

Banker.az xəbər verir ki, texnologiya nəhəngi bu yolla qlobal yarımkeçirici çatışmazlığı problemini həll etmək istədiyini bildirsə də, ölkə buna qarşı çıxıb.

Qeyd edək ki, “Intel” 2022-ci ildə Çendu şəhərində yarımkeçirici istehsalına başlamağı planlaşdırmışdı. Şirkət ABŞ-dan inkişafın və istehsalın genişləndirilməsi üçün dəstək istəmişdi.

Buna baxmayaraq, Bayden administrasiyası təhlükəsizlik səbəbindən bu təklifə qarşı çıxmışdı. Hal-hazırda ABŞ komponentlərin istehsalını ölkə daxilinə köçürmək üzərində çalışır.

“Intel” ABŞ hökumətinin rədd cavabını rəsmi olaraq təsdiq etməyib və hələ də qlobal tələbatı ödəməyə kömək etmək üçün digər həll yollarına açıq qalır. Digər çip istehsalçıları ilə birlikdə Nümayəndələr Palatasından çip istehsalının maliyyələşdirilməsi ilə əlaqəli yeni qanun layihəsinin qəbul edilməsi gözlənilir. Konqres dəstək məqsədilə bu sahəyə 52 milyard dollar ayırmağı planlaşdırır.

Çip qıtlığı ilk növbədə texnologiya və avtomobil sənayesinin işini çətinləşdirir, o cümlədən müəssisələrə milyardlarla dollarlıq itirilən mənfəətə başa gəlir.

Son xəbərlər
Oxşar xəbərlər
X