ABŞ məhkəməsi “Google”un qeyri-qanuni olaraq reklam bazarında dominant mövqeyə malik olduğuna qərar verib, bu barədə “Reuters” və “WSJ” yazır. Bununla yanaşı, məhkəmə “Google”un reklam şəbəkəsi bazarını inhisara alması ilə bağlı ittihamları rədd edib. Şirkət “işin yarısında qalib gəldiyini, digər yarısına isə apellyasiya şikayəti verəcəyini” bildirib.
ABŞ Ədliyyə Nazirliyi iddia edir ki, “Google” ən azı reklam platforması olan “Google Ad Manager”i satmalıdır. Bu, “Google”un inhisarçı olduğunu müəyyən edən ilin ikinci məhkəmə qərarıdır. 2024-cü ilin avqustunda ABŞ məhkəməsi şirkətin rəqiblərini sıxışdırmaq üçün axtarış sistemləri bazarındakı mövqeyindən sui-istifadə etdiyi barədə qərar çıxarıb.
Bunun ardınca Ədliyyə Nazirliyi hüquqi müdafiə vasitəsi kimi istifadə oluna biləcək tədbirləri açıqlayıb. “Google”a qarşı növbəti məhkəmə prosesi aprel ayında Vaşinqtonda başlayacaq və burada Ədliyyə Nazirliyi şirkətin “Chrome” brauzer biznesini satmaq tələbini nəzərdən keçirəcək.
