Rusiyanın dondurulmuş aktivlərindən əldə edilən gəlirlərin Ukraynaya 50 milyard dollarlıq kreditin verilməsində istifadə edilməsində heç bir hüquqi ziddiyyət yoxdur.
Bunu ABŞ-nin maliyyə naziri Canet Yellen “ABC” telekanalının “This Week” verilişində deyib.
Amerikalı nazir Rusiya Prezidenti Vladimir Putinin Rusiyanın dövlət aktivlərindən əldə edilən gəlirlərin Ukraynanın xeyrinə istifadəsinin oğurluq olduğu iddiasını rədd edib.
“Heç bir halda bu oğurluq deyil. Rusiya aktivləri bu qurumda qalır. Onlar hərəkətsizdir. Rusiya sərmayələrinin müddəti artıq başa çatıb. Rusiyanın pulu nağd formadadır, lakin orada hesablanan gəlirə hüququ yoxdur”– Yellen bildirib.
