3 C
Baku
Cümə, Yanvar 21, 2022

ABŞ Prezidenti ştatlara “omikron” ştamına görə əlavə yardım vəd edib

ABŞ federal hökuməti ölkədə koronavirusun “omikron” ştamının yayılması fonunda ştatların orqanlarına əlavə dəstək verməyə hazırdır.

Bu barədə Prezident Cozef Bayden videobağlantı vasitəsilə ştat qubernatorları ilə görüşdə bildirib.

“Biz, xüsusən də bayram fonunda koronavirusa yoluxma hallarının sayının artmasını müzakirə etdik. Keçən həftə qeyd etdiyim kimi, “omicron” narahatlıq mənbəyidir, lakin panikaya səbəb olmamalıdır. Biz insanların həyatını xilas etməyi, onları qorumağı, məktəblərin və müəssisələrin fəaliyyət göstərməsi üçün nə edilməli olduğunu bilirik.

Sadəcə, diqqətimizi yayındırmamaq və birlikdə işləməyə davam etmək lazımdır. Qubernatorlara mesajım çox sadədir – nəyəsə ehtiyacınız varsa, mənə deyin. Sizə dəstək olmaq üçün əlimizdən gələni edəcəyik”, – deyə Ağ Ev rəhbəri vurğulayıb.

Mənbə:Report
Son xəbərlər
Oxşar xəbərlər