Amerika Birləşmiş Ştatları altı hüquqi şəxs və dörd gəmini də qara siyahıya salmaqla KXDR-ə qarşı sanksiyalar siyahısını genişləndirib.
Bu barədə ABŞ Maliyyə Nazirliyi məlumat yayıb.
“Bu gün ABŞ Maliyyə Nazirliyinin Xarici Aktivlərə Nəzarət İdarəsi Şimali Koreya kömürünün daşınmasında iştirak edən altı hüquqi şəxs və dörd gəmini müəyyənləşdirib”, – məlumatda belə deyilir.
Nazirlik qeyd edib ki, aşkarlanmış faktlarda BMT Təhlükəsizlik Şurasının 2371 saylı qətnaməsinin pozulduğu üzə çıxıb.
Sanksiyaların tətbiq olunduğu təşkilatlar Britaniya, Vyetnam və Çində yerləşir.
