Amma əsas stebilkoinin emitenti bu məlumatı təkzib edir. Onun baş icraçı direktoru ötən həftə sonu bu məlumatların həqiqəti əks etdirmədiyini bildirmişdi.
Banker.az xəbər verir ki, Tether-ə (və ya USDT) qarşı təzyiqlər haqqında məlumatı hansısa sarı mətbuat yox, məhz “The Wall Street Journal” yayıb. Amma sənədləşdirilmiş sübutlar olmadan, anonim mənbələrə istinadən.
Bildirilir ki, Nyu-Yorkun bölgəsi Manhattan prokurorluğu USDT kriptovalyutasının terrorizmin maliyyələşdirilməsi, kibercinayətkarlıq, narkotik ticarəti və çirkli pulların yuyulmasında istifadə oluna biləcəyini yoxlayır.
Həmçinin ABŞ Maliyyə Nazirliyi Tether-ə qarşı sanksiyalar tətbiq etmək imkanını nəzərdən keçirir, çünki USDT stabilkoinindən sanksiya altında olan şəxslər istifadə edə bilər.
Mübarizə kimlədir?
Bu qədər qaranlıq məlumatı təkzib etmək asan deyil, lakin Tether-in rəhbəri Paolo Ardoino bunu edib. Onun sözlərinə görə, hazırda belə araşdırmaların əlamətləri yoxdur, jurnalistlər isə köhnə şayiələrə yapışırlar.
Bundan əlavə, şirkət WSJ-ni qərəzli olmaqda ittiham edir. Şirkətin hesablamalarına görə, son üç ildə bu nəşr Tether haqqında 80 dəfə belə “ifşaedici” materiallar yayıb.
USDT-dən istifadə etməyə dəyərmi?
Əslində WSJ məlumatının doğru olub-olmaması vacib deyil. Fakt odur ki, ABŞ hökumətinin USDT emitentinə təzyiq göstərmək üçün bütün vasitələri var.
Bu səbəbdən sanksiyalardan yayınmaq və digər qanunsuz əməliyyatlar üçün bu aləti istifadə etmək risklidir.
Sadə insanlar USDT-dən tam leqallaşdırılmış kriptovalyutaların olduğu digər ölkələr vasitəsilə istifadə edə bilərlər. Məsələn, Qırğızıstanda şirkət qeydiyyatdan keçirmək, ora Rusiyadan rubl köçürmək, onu USDT-yə çevirmək və istənilən istiqamətdə göndərmək mümkündür.
