Amerika Birləşmiş Ştatları Ukraynanın enerji infrastrukturunun təmiri, dəyişdirilməsi və mühafizəsi üçün tərəfdaşlarla işləməyə davam edəcək.
Bunu ABŞ Dövlət Departamentinin sözçüsü Ned Prays mətbuat konfransında bildirib.
Bununla belə, Prays əlavə edib ki, onlar bu məsələdə bir sıra problemlərlə üzləşiblər.
ABŞ və tərəfdaşları hazırda avadanlıq boşluğunu aradan qaldırmaq üçün özəl sektorla əməkdaşlıq edirlər, lakin təchizat zənciri problemlərinə görə əlavə tədarüklər çox deyil.
Bundan əlavə, ABŞ-da istifadə edilən bəzi daha bahalı detallar tezlik fərqinə görə Ukraynaya uyğun deyil.
