ABŞ Ukraynaya 1.1 milyard dollar dəyərində yeni hərbi yardım paketi ayırır.
Bu barədə ABŞ rəsmisi anonimlik şərti ilə “Reuters“ə açıqlamasında bildirib.
Mənbə Vaşinqtonun yeni paketi elan etmək üçün Ukraynanın işğal altındakı ərazilərində keçirilən “referendum”un nəticələrini gözlədiyini və qarşıdakı günlərdə açıqlayacağını bildirib.
Təhlükəsizlik paketinə HIMARS raket sistemlərinin, dron əleyhinə müxtəlif sistemlərin, radar sistemlərinin, ehtiyat vasitələrin, təlim və texniki dəstəyin daxil olacağı qeyd olunub.
