19 C
Baku
Tuesday, April 16, 2024

ABŞ Ukraynaya bu ilin son 250 mln. dollarlıq yardım paketini ayırır

ABŞ Ukraynaya 250 milyon dollar dəyərində yeni hərbi yardım paketi, o cümlədən hava hücumundan müdafiə sistemləri, HIMARS MLRS və artilleriya üçün sursat göndərir. Bu barədə ABŞ dövlət katibi Entoni Blinken məlumat verib. O qeyd edib ki, bu, 2023-cü ildə Ukrayna üçün son yardım paketidir.

Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib ki, bu paket göndərildikdən sonra vəsait tükənəcək və buna görə də Konqres Ukraynaya yardım üçün maliyyənin təsdiqlənməsi prosesini sürətləndirməlidir.

Sentyabr ayından Konqresdə demokratlar və respublikaçılar arasında fikir ayrılığı səbəbindən Ukraynaya vəsaitin ayrılması ilə bağlı müzakirələr davam edir. Ağ Ev müttəfiqlərə yardım göstərmək üçün 106 milyard dollar istəyib ki, bunun da 61.3 milyardı Ukraynayadır. Bununla belə, Respublikaçılar Partiyası ABŞ-ın Meksika ilə sərhədini möhkəmləndirmədən və qeyri-qanuni miqrasiyanı məhdudlaşdırmadan Ukrayna və İsrail üçün tranşlarla razılaşmaqdan imtina edir.

Son xəbərlər
Digər xəbərlər