Bazar ertəsi günü, aprelin 1-də ABŞ-ın ticarət naziri Gina Raimondo və Böyük Britaniyanın texnologiya naziri Mişel Donnellan iki ölkə arasında süni intellekt sahəsində anlaşma memorandumu imzalayıblar.
İki ölkə arasında tərəfdaşlığa ən qabaqcıl süni intellekt modellərinin sınaqdan keçirilməsi, süni intellektin təhlükəsiz istifadəsi üzrə ümumi yanaşmaların işlənib hazırlanması, elmi və texnoloji sənayelərdə əməkdaşlıq daxildir. ABŞ və Böyük Britaniya nümayəndələri ümidvar olduqlarını bildiriblər ki, birgə iş süni intellektdən istifadə zamanı potensial riskləri minimuma endirməyə və bu texnologiyanı cəmiyyət üçün mümkün qədər effektiv və faydalı etməyə kömək edəcək.
Sammit birgə bəyannamə (“Bletçli bəyannaməsi”) ilə nəticələndi ki, burada dövlətlər süni intellektlə bağlı təhlükəsizlik risklərinin müəyyən edilməsinə diqqət yetirəcək və strategiyalar hazırlamaq üçün bir-biri ilə əməkdaşlıq edəcək, bununla belə, hər bir ölkənin problemin həlli üçün öz yanaşmasını seçə biləcəyini qəbul edəcək. İştirakçı ölkələrin nümayəndələri də özəl şirkətlər tərəfindən həyata keçirilən süni intellekt işlərində şəffaflığın tərəfdarı olduqlarını bildiriblər və bu sahədə beynəlxalq tədqiqat layihələrini təşviq etmək niyyətlərini açıqlayıblar.
