ABŞ və Çin arasında gedən ticarət müharibəsi bütün dünya iqtisadiyyatına təsir göstərsə də, bu dəyişiklər Donald Trampın gözləntilərinə uyğun deyil.
Banker.az xəbər verir ki, Çin ilə ticarət həcmi bir qədər azalıb. Buna baxmayaraq, statistikaya görə, ABŞ-ın digər inkişaf etməkdə olan ölkələrdən idxalı sürətlə böyüyür.
Trampın fikrincə, bu müharibədə ticarət defisiti əsas göstəricidir. İqtisadçılar bununla razı deyillər və ticarət balansının faydalı bir göstərici olmadığını düşünürlər. Tramp administrasiyası tərəfindən tətbiq edilən yeni vergilər sayəsində bu rəqəm əhəmiyyətli dərəcədə aşağı düşmüşdür. 2019-cu ilin mart ayında ABŞ ixracı üstələyərək, 20 milyard dollar daha çox mal idxal edib. Bu, 2014-cü ilin mart ayından bəri ən aşağı göstəricidir.
Ümumi ticarət kəsiri azalmayıb. ABŞ hökumətinin 2018-ci ilə aid məlumatlarına görə rekord ticarət kəsiri ABŞ-da 891 milyard dollar səviyyəsində olub. Səbəbi sadədir: xaricdə ucuz mal idxal etmək istəyən amerikan şirkətlər fərqli bazarlara müraciət edirlər. Variantlardan biri Meksika və digər inkişaf etmiş dövlətlər-Almaniya və Yaponiya bazarıdır.
Xarici Əlaqələr Şurasının nümayəndəsi olan Brad Setser qeyd edir ki, mövcud vəziyyətdən yararlanan ölkələrdən biri də Vyetnamdır. ABŞ-ın Maliyyə Nazirliyinin nümayəndələri vəziyyəti tədqiq etməyə çalışırlar, onlara görə, Vyetnam dünya bazarlarında daha rəqabətli olmaq üçün valyutanı süni şəkildə devalvasiya edir.
Bu, ölkənin iqtisadiyyatının son dövrlərini nəzərə alaraq məntiqlidir. Bəzi Çin şirkətləri yeni tariflərin tətbiqindən sonra istehsalını Vyetnama köçürdülər. Eyni tendensiya Malayziyada da müşahidə olunur.
Bütün bunlar o deməkdir ki, Ağ Evin qlobal ticarət siyasətinə olan yanaşması bütün dünyaya təsir edir. Bu dəyişiklər ABŞ-ın xeyrinə olmaya da bilər.
