Belə hesab edilir ki, bu anlayışın ilk nəzəriyyəsi 18-ci əsrdə Fransada “aclıq müqaviləsi” ilə əlaqədar olaraq yaranıb. Bu dövrdə Fransanın bir çox əyalətlərində əlverişsiz hava şəraiti və kənd təsərrüfatının zəif inkişafı səbəbindən ərzaq çatışmazlığı yaşanır. Bunun da nəticəsi olaraq ərzaq və digər məhsul qiymətləri sürətlə qalxır.
Bir çox orta və aşağı təbəqəyə mənsub olan insanlar belə hesab etməyə başlayırlar ki, aristokratlar və yaxud digər “kölgəli” qruplar artan əhalini əldə saxlamaq məqsədilə taxıl qiymətlərini idarə edirlər. Bu isə öz növbəsində “un müharibələrinə” – yerlərdə qiyam və iğtişaşlara gətirib çıxardı. Son nəticədə isə etibarsızlıq və qorxu mühiti Fransa İnqilabına sözün əsl mənasında təkan verdi.
