Almaniyada keçirilən hərracda “Adidas” səhmləri Bakı vaxtı ilə saat 13:41-ə olan ticarət məlumatlarına əsasən, 8.15% bahalaşaraq 219 avroya yüksəlib. “CNBC” yazır ki, bu, alman idman geyim istehsalçısının tam illik proqnozunu qaldırdıqdan və birinci rübdə mənfəətin artdığını bildirdikdən sonra baş verib.
Şirkətdən verilən məlumata görə, ilkin məlumatlara görə, “Adidas”ın ilk rübdə valyutadan neytral gəlirinin illik müqayisədə 8% artacağı gözlənilir. “Adidas”ın rüblük avro gəliri 4% artaraq 5.46 milyard avroya çatıb. Əməliyyat mənfəəti 336 milyon avroya yüksəlib ki, bu da bir il əvvəlkindən (60 milyon avro) beş dəfə çoxdur.
“Adidas”ın rüblük nəticələri gözləniləndən daha yaxşı olub və şirkət tam illik proqnozunu artırıb. Əməliyyat mənfəəti, proqnoza görə, 700 milyon avroya çata bilər: “Adidas” əvvəllər təxminən 500 milyon avro gözləyirdi.
2023-cü ilin sonunda “Adidas” 32 ildə ilk dəfə illik zərərini açıqlayıb – 58 milyon avro. O zaman şirkət qeyd edib ki, onun Şimali Amerikadakı satışları il ərzində 16% azalıb, çünki tələbat aşağı düşüb.
