Azərbaycan Əmanətlərin Sığortalanması Fondunun (ADIF) nümayəndə heyəti Türkiyənin İstanbul şəhərində Beynəlxalq Əmanətlərin Sığortalanması Assosiasiyasının (IADI) Avrasiya Regional Komitəsinin (EARC) illik toplantısı çərçivəsində “Böhranın idarə edilməsi: ənənəvi və yeni yanaşmalar” mövzusunda keçirilən beynalxalq konfransda iştirak edib.
“Report” bu barədə Fonda istinadən xəbəre verir.
Avrasiya Regional Komitəsinin sədri İlhami Öztürk, Türkiyə Əmanətlərin Sığortalanması Fondunun sədri Muhiddin Gülal, Dünya Bankının nümayəndəsi Miquel Dijkman, Almaniya, İtalya, Koreya, Fillipin, İndoneziya, Yaponya, MDB ölkələri və Avropa ölkələrinin banklarının ləğvetmə və sağlamlaşdırma strukturlarının nümayəndələri ilə yanaşı, dünyanın aparıcı maliyyə qurumlarının rəhbərlərinin, mütəxəssislərin və alimlərin də qatıldığı tədbirdə banklarda yeni yaranan risklər barədə fikir mübadiləsi aparılıb.
ƏSF nümayəndə heyəti son illərdə Azərbaycanda bütün sahələrdə aparılan dərin iqtisadi islahatlar, Fondun gələcək hədəfləri, əmanətlərin sığortalanması sistemi və bankların ləğvetməsində dunya təcrübəsinin tədbiqi barədə geniş təqdimat ediblər.
EARC-ın illik toplantısı çərçivəsində keçirilən dəyirmi masalara qatılan ADIF nümayəndə heyəti ləğvetmə zamanı risklər və problemlər və onların həlli barədə fikir mübadiləsi aparıb.
