“Dəmiryolservis” MMC “Azərbaycan Dəmir Yolları” Qapalı Səhmdar Cəmiyyətinə və “Marabda Kartasaxi Dəmir Yolları” Məhdud Məsuliyyətli Cəmiyyətinin bir sıra maliyyə tələblərini yerinə yetirməsi tələbi ilə məhkəməyə müraciət edib. Lakin tərəflərin məhkəməyə gəlməməsi səbəbindən iddia baxılmamış qalıb.
İddiaya əsasən, “Dəmiryolservis” MMC cavabdehlərdən 71 mln. dollardan artıq məbləğin əvəzləşdirilməsini və 11,6 mln. dollardan artıq məbləğinin növbəti ödənişlərdə nəzərə alınmasını tələb edir.
Məhkəmə qərarında qeyd edilir ki, 2019-cu ilin yanvarın 25-ə olan vəziyyətə görə, Bakı-Tbilisi-Qars dəmir yolunun Gürcüstan hissəsinin smeta dəyəri 94 mln. 163,2 min dollar bahalaşıb.
