24 C
Baku
Bazar ertəsi, Sentyabr 20, 2021

“AFB Bank” ASC 2020-ci ili xalis mənfəətlə başa vurub

Screen Shot 2021 09 02 at 14.34.20

®Ölkənin aparıcı banklarından olan AFB Bank 2020-ci ili 5,4 milyon manat xalis mənfəətlə başa vurmuşdur. 

Dünyada və ölkəmizdə olan COVİD-19 pandemiyası ilə əlaqədar tətbiq olunan karantin tədbirlərinə və bu tədbirlərin iqtisadiyyata vurduğu ziyanlara baxmayaraq, Bank 2020-ci ili müsbət dinamika ilə bitirmişdir. Belə ki, 2020-ci ildə “AFB Bank”ın cəmi əməliyyat gəlirləri (faiz və qeyri-faiz gəlirləri) 35 milyon 158 min manat, cəmi əməliyyat xərcləri 20 milyon 473 min manat, əməliyyat mənfəəti isə 14 milyon 685 min manat təşkil edib.
Bank əməliyyat mənfəətindən 7 milyon 995 min manat mümkün zərərlər üçün yaradılan məqsədli ehtiyatlara ayırıb və 1 milyon 300 min manat mənfəət vergisi ödəyib. Beləliklə, AFB Bank ötən ili 5 milyon 388 min manat xalis mənfəət ilə başa vurub. Həmçinin, I dərəcəli kapitalın adekvatlıq əmsalı 2019-cu illə müqayisədə 30.53%-dən 46.62%-ə yüksəlmişdir. Həmçinin, məcmu kapitalın adekvatlıq əmsalı 33.74%-dən 51.10%-ə artmışdır. Leverec əmsalı isə 2 dəfə artaraq 12.15%-dən 24.13%-ə çatmışdır. 

2020-ci ildə “AFB Bank” ASC yeni mobil tətbiqin və yeni saytın təqdimatını həyata keçirdi. Qeydiyyatının asanlığı, istifadəsinin sadəliyi və müxtəlif funksionallıqları ilə fərqlənən “AFB Bank” ASC-nin Mobil tətbiqi ənənəvi bankçılıqda olan bir çox əməliyyatı məsafədən, sürətli və dərhal yerinə yetirməyə imkan verir. “AFB Bank” ASC-nin yeni saytı istifadəçi rahatlığı və istifadəçilər üçün geniş imkanların təmin edilməsini ilə seçilir. Yeni saytın təqdim etdiyi imkanlar müştərilər üçün bir sıra əməliyyatların aparılmasını daha əlçatan və sürətli edilməsini təmin edir. Bank ölkədə nağdsız ödənişlərin genişlənməsində aktiv iştirakını davam etdirib. 

Hazırda 7 filial və 4 şöbəsi ilə fəaliyyət göstərən ölkənin aparıcı maliyyə qurumlarından olan “AFB Bank” ASC öz fəaliyyətinə 2009-cu ilin fevral ayında başlamışdır. Daim yenilənən xidmətlər barədə daha ətraflı məlumatı www.afb.az saytından, 1545 əng mərkəzindən və ya Bankın müxtəlif sosial şəbəkələrdə olan səhifələrindən əldə edə bilərsiniz.

Screen Shot 2021 09 08 at 14.27.09
109,597AzarkeşlərKimi
Son xəbərlər
360 380
Oxşar xəbərlər