Avropa Komissiyasının rəhbəri Ursula fon der Leyen oktyabrın 12-si öz “Twitter” səhifəsində bildirib ki, Brüssel Əfqanıstana 1 milyard avro məbləğində humanitar yardım paketi ayıracaq.
Banker.az xəbər verir, “Biz Əfqanıstanda böyük humanitar və sosial-iqtisadi çöküşün qarşısını almaq üçün əlimizdən gələni etməliyik”, – deyə Ursula fon der Leyen söyləyib.
300 milyon avro koronavirusa qarşı peyvənd istehsalına və insan hüquqlarının qorunmasına, 200 milyon avro isə səhiyyəyə yönəldiləcək.
Qeyd edək ki, ölkədəki vəziyyət 2001-ci ildən bəri Əfqanıstanda silahlı qüvvələri olan ABŞ qoşunlarını geri çəkdikdən sonra gərginləşməyə başlayıb. Avqustun 15-i Taliban Kabilə daxil olub. Silahlılar Əfqanıstanda “müharibənin bitdiyini” elan edərək, bunu ölkənin “azad edilməsi” adlandırıb.
