Avropa İttifaqı (Aİ) ticarət danışıqlarının blok üçün qənaətbəxş nəticə vermədiyi təqdirdə, təxminən 100 milyard avro (113 milyard dollar) dəyərində ABŞ mallarına əlavə tariflər tətbiq etməyi planlaşdırır.
Agentliyin mənbələrinə görə, təklif olunan cavab tədbirləri çərşənbə günü üzv dövlətlərə təqdim olunacaq. Siyahı təsdiqlənənə qədər məsləhətləşmələrin bir ay davam ediləcəyi bildirilir.
“Bloomberg” xəbər verir ki, bundan əlavə, Avropa Komissiyasının (AK) danışıqlara təkan vermək üçün bu həftə ABŞ-yə sənəd təqdim edəcəyi gözlənilir. Onun sözlərinə görə, Aİ-nin təkliflərində ticarət və qeyri-tarif maneələrinin azaldılması, eləcə də ABŞ-də investisiyaların stimullaşdırılması nəzərdə tutulur.
