Süni intellekt axtarış sistemi “Perplexity” 18 milyard dollar qiymətləndirmə ilə 100 milyon dollar investisiya cəlb edib, bu barədə “Bloomberg” və “Financial Times” yazıb. “Perplexity” xəbəri şərh etməkdən imtina edib.
2025-ci ilin mart ayında media “Perplexity”nin 500 milyon dollardan 1 milyard dollara qədər vəsait toplamaq üçün ilkin danışıqlar keçirdiyini və şirkətin 18 milyard dollar dəyərində qiymətləndirildiyini yazıb. Müqayisə üçün qeyd edək ki, 2024-cü ilin dekabrında investorlar startapı 9 milyard dollar dəyərində qiymətləndiriblər.
2022-ci ildə qurulan “Perplexity” axtarış sistemi hal-hazırda AI-bot üzərində işləyir. Xidmətin ayda 20 ABŞ dollar dəyərində ödənişli, həmçinin ödənişsiz versiyası var. 2025-ci ilin aprelində startap e-poçt göndərə, podkastları və ya videoları oxuya bilən səsli köməkçi təqdim etmişdi.
