Avropa İttifaqına (Aİ) üzv ölkələr Bosniya və Herseqovina Aİ-yə namizəd dövlət statusunun verilməsinə razılıq veriblər.
Bu barədə AFP diplomatlara istinadən məlumat yayıb.
Agentliyin məlumatına görə, müvafiq qərarı Aİ ölkələrinin Avropa işləri üzrə nazirləri qəbul ediblər. Cümə axşamı, dekabrın 15-də Brüsseldə keçiriləcək sammit zamanı Aİ liderlərinin Bosniya və Herseqovinanın Aİ-yə qəbulu ilə bağlı rəsmi qərarı imzalayacağı gözlənilir.
Qeyd edək ki, iyul ayında Sloveniyanın Baş naziri Robert Qolob Avropa Komissiyasından 2022-ci ilin sonuna qədər Bosniya və Herseqovinaya Aİ-yə namizəd statusu verilməsini istəyib.
