Avropa Komissiyası Ukraynaya ERA kredit xətti çərçivəsində təxminən 6 milyard avro ayıracağını açıqlayıb. Bu kredit xəttinin ümumi həcmi 45 milyard avroya qədərdir və o, “Yeddilər qrupu” (G7) ölkələri tərəfindən Rusiyanın dondurulmuş aktivlərinin reinvestisiyasından əldə olunan gəlirlər hesabına təqdim olunur.
Bu barədə Avropa Parlamentində çıxışı zamanı Avropa Komissiyasının sədri Ursula fon der Leyen məlumat verib.
“Bu gün biz ERA proqramı çərçivəsində Ukraynaya 6 milyard avro ayırdığımızı elan edirik”, — deyə fon der Leyen bildirib.
O, həmçinin etiraf edib ki, Avropa Komissiyasının bu addımının əsas məqsədi Rusiyanın Ukraynada apardığı hərbi əməliyyatların dəyərini artırmaqdır.
