Avropa İttifaqının (Aİ) Azərbaycandakı nümayəndəliyinin yeni rəhbəri Piter Miçalko sentyabr ayında Bakıya gələcək.
Diplomat öz etimadnaməsini Azərbaycan Prezidenti İlham Əliyevə təqdim etdikdən sonra vəzifəsinin icrasına başlayacaq.
Xatırladaq ki, avqustun 4-də Aİ-nin ali komissarı Jozep Borrel slovakiyalı diplomat Piter Miçalkonun Aİ-nin Azərbaycandakı yeni nümayəndəsi təyin edildiyini açıqlamışdı.
O, daha əvvəl Avropa İttifaqının Moldovadakı nümayəndəliyinin rəhbəri, ondan əvvəl isə Slovakiyanın Yunanıstandakı səfiri vəzifəsində çalışıb.
