27 C
Baku
Friday, July 19, 2024

“Bloomberg”: Aİ-nin Rusiyaya qarşı 14-cü sanksiya paketinin tərkibi açıqlanıb

Avropa İttifaqı 14-cü sanksiyalar paketinin bir hissəsi olaraq siyasi partiyaların, o cümlədən analitika mərkəzlərinin və digər təşkilatların Rusiyadan maliyyə almasını qadağan edə bilər, bu barədə müzakirələrdən xəbərdar mənbələrə istinadən “Bloomberg” yazır. Bununla Aİ iyunun əvvəlində keçiriləcək Avropa Parlamentinə seçkilərə Rusiyanın müdaxiləsini istisna etməyə çalışır, agentlik qeyd edir.

Bundan əlavə, Aİ Rusiya heliumunun idxalına qadağa, manqan filizi və digər nadir torpaq komponentlərinin ixracına məhdudiyyətlərin sərtləşdirilməsini müzakirə edir. Agentliyin həmsöhbətləri bildiriblər ki, mümkün tədbirlərə Rusiyanın hərbi səylərinə kömək etməkdə şübhəli bilinən 11 gəminin Avropa limanlarına girişinə qadağa da daxildir.

Aİ həmçinin SWIFT-in analoqu adlandırılan Mərkəzi Bankının Maliyyə Mesajlaşma Sisteminin istifadəsini də qadağan edə bilər.

Agentliyin məlumatına görə, Aİ həm də Belarusa qarşı sanksiyalar tətbiq etməyi, o cümlədən ölkəyə naviqasiya texnologiyaları və dəbdəbəli malların idxalını, xam neft və almazların ixracını, eləcə də “sənaye potensialını artıra biləcək hər hansı əməliyyatları qadağan etməyi planlaşdırır”.

“Bloomberg” daha əvvəl yazmışdı ki, Aİ mayeləşdirilmiş təbii qaz layihələrinə qarşı sanksiyaların tətbiqini və tədarüklərin təkrar ixracı üçün Avropa limanlarından istifadəni qadağan etməyi müzakirə edir. İsveçin xarici işlər naziri Tobias Billström də aprel ayında Aİ-nin Rusiyaya qarşı sanksiyalarının 14-cü paketinin LNG tədarükünə qadağanın daxil ola biləcəyini açıqlamışdı.

Agentlik qeyd edir ki, yeni sanksiyalar paketi ilə bağlı qərar Aİ-nin bütün 27 ölkəsi tərəfindən razılaşdırılmalıdır və onun məzmunu hələ dəyişə bilər.

Son xəbərlər
Digər xəbərlər