3 C
Baku
Şənbə, Yanvar 22, 2022

Aİ ölkələri Türkiyəyə qarşı sanksiyaları genişləndirirlər

Avropa İttifaqı ölkələri cümə günü Brüsseldə keçirilən sammitdə, Şərqi Aralıq dənizində qanunsuz qazma işlərinə görə Türkiyəyə qarşı tətbiq olunan sanksiyalar siyahısını genişləndirməyə razılaşdılar.

Banker.az bu barədə xarici KİV-ə istinadən xəbər verir.

“Aİ liderləri Türkiyənin Şərqi Aralıq dənizində qanunsuz qazma işləri ilə əlaqədar məhdudlaşdırıcı tətbiqlərlə bağlı 11 noyabr 2019-cu il tarixli qərara əsasən, sanksiya siyahısını genişləndirməyə razılaşıb”, – sənəddə deyilir.

Bildirildiyi kimi, təşkilat üzv dövlətlərin maraqlarını müdafiə etməyə davam edəcək.

Qeyd edək ki, hal-hazırda Şərqi Aralıq dənizindəki Kiprin ərazi sularında qanunsuz qazma işlərinə görə sanksiyalar mövcuddur. Noyabr ayında Aİ bu sanksiyaları daha bir ilə, yəni 12 noyabr 2021-ci ilə qədər uzadıb. Məhdudiyyətlər qazma işlərini aparan şəxslərin Avropa İttifaqına daxil olmasını qadağan etməyi və aktivlərinin dondurulmasını nəzərdə tutur.

Son xəbərlər
Oxşar xəbərlər