Bir sıra Avropa İttifaqı ölkələrində elektrik enerjisinin qiyməti 26 avqust tarixi üçün çatdırma şərti ilə bir MVt/saat üçün 700 avronu ötüb.
Bunu “Nord Pool” elektrik enerjisi birjasının məlumatları göstərir.
Məlumata görə, Avstriyada qiymət bir MVt/saat üçün 707.23 avroya, Fransada – 706.32 avroya, Belçikada – 700.41 avroya çatıb, Almaniya, Niderland və Danimarkada isə 690 avronu üstələyib.
Bir gün əvvəl bu ölkələrdə elektrik enerjisinin orta qiyməti 630 avro sərhədini aşmırdı.
