Avropa İttifaqı (Aİ) və Dünya Bankı arasında Azərbaycan üçün Çevik Texniki Yardım Aləti (AZTAF) üzrə inzibati saziş imzalanıb.
Ümumi büdcəsi 5.25 mln. avro təşkil edən bu üçillik proqram Aİ tərəfindən maliyyələşdirilir və Dünya Bankı tərəfindən idarə olunur.
Proqramın məqsədi Azərbaycan hökumətinə “Azərbaycan 2030: sosial-iqtisadi inkişafa dair Milli Prioritetlərə” uyğun olaraq, məsləhət və analitik dəstəyi və potensialın gücləndirilməsini təmin etməkdən ibarətdir. Bu dəstək sosial inklüzivliyi və bağlantıları gücləndirməyə, iqtisadi islahatlara təkan verməyə, dövlət sektorunun idarəçiliyini gücləndirməyə və COVID-19-un təsirlərinin səmərəli şəkildə aradan qaldırılmasına kömək edəcək.
