Asiya İnkişaf Bankı (AİB) 2021-2023-cü illərdə Azərbaycana $780 milyon məbləğində kredit ayırmağa hazırdır.
“Bank Direktorlar Şurasının Azərbaycan üçün təsdiq etdiyi üçillik biznes-plan çərçivəsində $780 milyon məbləğində vəsait ayırmağa hazırdır”, – deyə bankdan məlumat verilib.
Biznes-plana əsasən, AİB bu dövrdə Azərbaycana təhsil, irriqasiya, biznesə dəstək, iqtisadi islahatların dəstəklənməsi və dəmir yollarının inkişafı layihələri üçün 5 kredit ayırmağa hazırdır.
Bununla yanaşı, 2021-ci ildə bank ölkə üçün $85 milyon, 2022-ci ildə $370 milyon, 2023-cü ildə $325 milyon məbləğində krediti ehtiyatda saxlayıb.
AİB 2021-2023-cü illərdə də Azərbaycana $4,5 milyon məbləğində texniki yardım göstərəcək.