“Akkord” şirkətlər qrupuna daxil olan “Akkord Qum” MMC və “Akkordian Traden” MMC riskli vergi ödəyicisi siyahısına daxil edilib.
Banker.az xəbər verir ki, “Akkord Qum” MMC-nin vergi borcu 1928.91 AZN, “Akkordian Traden” MMC-nin vergi borcu isə 110 188 AZN təşkil edir.
Xatırladaq ki, “Akkordian Traden” MMC vergi öhdəlikləri üzrə – 2024-cü il üzrə Vergi Məcəlləsinə uyğun olaraq vergi hesabatını və ya onu əvəz edən arayışı vaxtında təqdim etməməyə görə 1 hal üzrə ümumilikdə 40.00 manat maliyyə sanksiyası tətbiq edilmişdir.
Məlumat üçün bildirək ki, “Akkord Qum” MMC 2005-ci ildə dövlət qeydiyyatına alınıb, nizamnamə kapitalı 78 690 AZN və qanuni təmsilçisi Yaqub Əliyevdir. 10 manat kapitalı olan “Akkordian Traden” MMC isə 2023-cü ildə yaradılıb, rəhbəri Orxan Cümşüdovdur.
