29 C
Baku
Thursday, July 25, 2024

Aktiv kreditlərin 6% restruktrizasiya olunub

“Azərbaycan Mərkəzi Bankı kreditlərin keyfiyyətinin qorunması, həm də borcalanların maliyyə yükünün tənzimlənməsi üçün səlahiyyətləri çərçivəsində tədbirlər görür”.

“APA-Economics”in məlumatına görə, bunu Azərbaycan Milli Məclisinin növbəti plenar iclasında Azərbaycanın 2016-cı il üçün dövlət büdcə zərfinin müzakirəsi zamanı Azərbaycan Mərkəzi Bankının (AMB) İdarə Heyətinin sədri Elman Rüstəmov deyib.

E. Rüstəmovun sözlərinə görə, AMB-nin tövsiyəsi ilə banklar ilin əvvəlindən ümumi məbləği 600 mln. manat  həcmində 110 minə yaxın krediti yenidən strukturlaşdırıb: “Restrukturizasiya əhalinin borc yükünün yumşaldılmasına xidmət edir. Banklar uzanma müddətində faiz dərəcələrini azaldır. Hətta bəzi uzanma dövründə bəzi banklar faiz almırlar”.

Məlumat üçün qeyd edək ki, hazırda bazarda təxminən 2 mln kredit vardır və onların 110 min nəfərinin restruktrizasiyası sonradan risk amilinə çevrilməsin istisna etmək olmaz ( Banker.az qeyd).

E. Rüstəmov bankları bu prosesdə daha fəal olmağa çağırıb. AMB rəhbəri vurğulayıb ki, belə maliyyə konsensusu həm əhalinin, həm də bankların maraqları arasında optimal bir balansı tapmalıdır.

Son xəbərlər
Digər xəbərlər