®HUAWEI FreeBuds 6i simsiz qulaqlıqları – musiqiyə həqiqi dəyər verənlər üçün nəfis seçimdir. Genişləndirilmiş drayverlər mükəmməl səsləndirməni təmin edir, kənar səs azaldıcılarının güclü sistemi sayəsində isə hətta ən səs-küylü yerlərdə belə sevimli melodiyaları dinləmək olur. Gəlin bu qulaqlıqların xüsusiyyətlərini ətraflı şəkildə araşdıraq.
Müasir dizayn
HUAWEI FreeBuds 6i təltif edilmiş dizaynı ilə seçilir. Qulaqlıqlar effektli cilalı örtüsü olan xüsusi möhkəm plastikdən hazırlanmışdır. Model seçiminizə uyğun olaraq ağ, qara və bənövşəyi rəng çalarlarına malikdir.
Cihazlar tələblərə uyğun formadadır, rahat və asan şəkildə qulaq kanalına yerləşdirilə bilir, aktiv hərəkətlər zamanı sabit qalır. Cihaz yumşaq silikon qulaq yastıqları sayəsində qulağa sıx və rahat yerləşir. Silikon taxmalar daha bir funksiya daşıyır – germetik yerləşdirmə kənar səsləri azaldır. Cihazın komplektinə bir neçə qulaq yastıqları (ambuşür) daxildir – hər istifadəçi öz ölçüsünə uyğununu seçə bilər.
Hər qulaqlığın çəkisi 5,4 qramdır – praktiki olaraq hətta bir neçə saatlıq istifadə müddətində belə qulaqlarda hiss olunmur. Model aktiv həyat tərzi keçirənlər – səyahət edənlər, idman zalında məşğul olanlar, qaçışçılar, hətta yağışda gəzənlər üçün çox münasibdir, çünki cihaz İP54 protokoluna uyğun olaraq toz və rütubətdən qoruyucularla təchiz edilmişdir.
Modelin oval şəkilli şarj qutusu sədəfli mirvariyə bənzəyir. 34 qramlıq kompakt keys qulaqlıqlar üçün şaquli maqnit yuvalarla təchiz olunmuşdur – onları yerləşdirmək və çıxarmaq çox rahat və asandır. Keys ovucumuza yerləşir, cibdə və çantada demək olar ki, çox yer tutmur. Təsadüfən qapağın açılması və qulaqlıqların düşməsi imkansızdır.
Texniki göstəricilər
Bu qulaqlıqlar 11 mm-lik genişlədilmiş dinamik drayverlər, səsin keyfiyyətini və həssaslığını artıran 4 güclü maqnitlə təchiz edilmişdir. Hər qulaqlıqda neyroşəbəkə alqoritmi əsasında çalışan 3 mikrofon, həmçinin kənar səsləri kənarlaşdıran kamera mövcuddur. HUAWEI FreeBuds 6i –dən istifadə zamanı kənar səslərin səviyyəsindən asılı olmayaraq nitqiniz anlaşıqlı və mükəmməl səslənəcəkdir.
Rahat idarəetmə
Cihazların üst tərəfində sensor panellər yerləşdirilmişdir. Cihaz toxunuşla idarə olunur, sensorlar yüksək həssaslığa malikdirlər və komanda işarələrini dərhal qəbul edirlər.
Cihazın əlavə funksiyalarından istifadə etmək üçün HUAWEI AI Life tətbiqini yükləmək olar. Həmçinin jestlərin idarəedilməsini dəyişdirmək, ekvalayzerdən istifadə etmək, kənar səslərin azaldılmasını aktivləşdirmək və rejimini təyin etmək, enerji təchizatına nəzarət etmək kimi funksiyaları mövcuddur.
Parlaq və təmiz səs
Qulaqlıqlar Hi-Res sisteminə və müasir dönəmdə ən aktual olan LDAC və LHDC audio-kodeklərinə bağlı olduğu üçün keyfiyyətli səsə dəyər verənlərin sevgisini qazanmışlar. Tezliklərin 14-dən 40 000 Hersə qədər diapazona malik olması sevimli treklərin ən incə özəlliklərini ortaya çıxara bilir. Səsin dərinliyi və yüksək məqamları canlı, dramatik və güclü bas ahənglər ilə seçilir. Xüsusi tətbiq vasitələri ilə dinlənilən kontenti ayarlamaq – məsələn, vokal fokusu seçmək, yüksək tezlikləri gücləndirmək mümkündür.
Ağıllı dinamik kənar səs ləğvi ANC 3.0
HUAWEI FreeBuds 6i cihazının əsas xüsusiyyəti – təkmilləşdirilmiş və uyğunlaşdırılmış intellektual sistem olan ağıllı dinamik kənar səs ləğvi ANC 3.0-dır. 34 ssenari üzrə təlim görmüş alqoritmlər sayəsində səslərin intensivliyi öyrənilir və effektiv şəkildə filtrədən keçir. Magistral yolunun gurultusunu azaltmaq və ya ofisdə əməkdaşların yüksək səslərini eşitməmək üçün istifadəçinin cihazın səsini artırmasına ehtiyac yoxdur.
Digər cihazlara qoşulma
Qulaqlıqların xoş cəhətlərindən biri də eyni zamanda iki siqnal mənbəyinə qoşula bilməsidir. Bu texnologiyanın rahatlığını qiymətləndirən istifadəçi oyun və film seyri zamanı eyni anda telefon zənginə cavab verə, smart-saat bildirişlərini izləyə bilər. Həmçinin Audio Sharing birgə dinləmə funksiyası vardır ki, o yalnız HUAWEI smartfonlarında keçərlidir.
Uzun müddətli çalışma və sürətli enerji təchizatı
Modelin daha bir xoş cəhəti – uzunmüddətli çalışmasıdır. Belə ki, qulaqlıqları şarj etmədən 8 saata qədər istifadə etmək olar. Keys bu müddəti 35 saata qədər artırır. 10 dəqiqəlik sürətli rejimdə şarj yetərlidir ki, qulaqlıqlar 4 saata qədər işləsin.
Nəticə
HUAWEI FreeBuds 6i — TWS qulaqlıqları aləmində yeni “incidir”. Cihaz dəbli dizaynı, yüksək keyfiyyətli səs ayarları, kənar səslərin intellektual azaldılması sistemi, toza və suya qarşı dayanıqlı olması ilə seçilir. Bu model rahatlıq və yüksək keyfiyyəti dəyərləndirən tələbkar istifadəçilər üçün həqiqi mənada nadir tapıntıdır.
FreeBuds 6i qulaqlıqları artıq satışa çıxarılıb və siz onları elektronika mağazalarından əldə edə bilərsiniz.
