Qeyri-adi və nadir xəstəliklərdən biri “Alisa möcüzələr diyarında” sindromudur. Bu sindromun adı Lewis Carroll tərəfindən 1865-ci ildə yazılmış nağıldan götürülmüşdür. Belə ki, bu nevroloji pozğunluğa düçar olmuş şəxs dünyanı pis prizmadan görür. Daha doğrusu, həmin şəxs böyük predmetləri kiçik, kiçik predmetləri isə nəhəng şəkildə görür. Xəstə şəxs ətrafındakı predmetlərin dəqiq və real ölçüsünü təyin etməkdə çətinlik çəkir. Sindromun əsas formaları makropsiya və mikropsiyadır.
Adətən bu xəstəlik 5-13 yaşlı uşaqlar arasında rast gəlinsə də, bəzi hallarda böyüklərdə də müşahidə edilir. Qaydalara əsasən, sözügedən bu sindrom müvəqqəti və epizodik olmaqla, qəfil peyda olaraq yoxa çıxa bilər. Lakin tibb təcrübəsində bir şəxsin uzun illər bu sindromdan əziyyət çəkməsi faktı da qeydə alınmışdır.
Alimlər bu sindromun yaranmasına səbəb olacaq bir neçə səbəbləri təyin etmişlər. Bunlar sırasında miqren, şizofreniya, mononukleoz, epilepsiya və baş beyinin şişi də var.
