“Bundesbank”ın rəsmi statistika açıqlanmadan əvvəl apardığı təhlilə əsasən, Almaniyanın ÜDM-in ikinci rübdə artacağı ehtimalı azdır. Bu o deməkdir ki, ölkə iqtisadiyyatı “start-stop” rejimində işləməyə davam edəcək: 2022-ci ildən etibarən artım və azalma rübləri müntəzəm olaraq növbələşəcək.
Mütəxəssislərə görə, hal-hazırda 30%-lik tariflər təhlükəsi gündəmə gəlib və “Bundesbank” “aşağı düşmə riski” barədə xəbərdarlıq edir.
Eyni zamanda, “S&P Global Market Intelligence”in məlumatına görə, ölkə biznesi son iki ildə ən böyük nikbinliyi yaşayır. Lakin bu, gözlənilən fiskal yumşalma, müdafiə və infrastruktura investisiyaların təsiridir. “Bu iqtisadi stimul yalnız geriləmə ilə işləyəcək. Qısa müddətdə Almaniya iqtisadiyyatının ixracyönümlü sektorları ABŞ-nin tarif siyasətinin nəticələri ilə üzləşəcək”, – bank yazır.
