Almaniya 2024-cü ildə Ukraynaya 7 milyard avrodan çox məbləğdə yardım göstərəcək. Almaniya kansleri Olaf Şolz müvafiq qərarı ABŞ Prezidenti Co Baydenlə söhbətindən sonra verib. Bu barədə Almaniya hökumətinin mətbuat xidməti məlumat yayıb.
Telefon danışığı zamanı Olaf Şolz cənab Bayden ilə Ukraynaya yardımın davam etdirilməsi və Yaxın Şərqdəki vəziyyəti müzakirə edib. Xüsusilə, liderlər Ukraynaya maliyyə, hərbi və humanitar dəstəyin davam etdirilməsinin zəruriliyi ilə bağlı razılığa gəliblər.
Almaniya hökumətinin mesajında aydınlıq gətirilir ki, ölkə bu il Ukraynaya 7 milyard avrodan çox dəyərində “müxtəlif hərbi mallar” tədarük edəcək. Almaniya istisna etmir ki, il ərzində Kiyevə dəstək üçün ayrılan məbləğ artırıla bilər.
Ukrayna Silahlı Qüvvələrinin modernləşdirilməsinə yönəlmiş Almaniyadan yardımın həcmi 2023-cü ildə təxminən 5.4 milyard avro təşkil edib. 2022-ci ildə bu məqsədlər üçün 2 milyard avro ayrılıb. Almaniyadan humanitar yardım da daxil olmaqla, ümumi yardımın həcmi 25 milyard avronu keçib.
