Almaniyada inflyasiya avqustda 8.8%-ə yüksəldi ki, bu da enerji böhranı fonunda son 50 ilin ən yüksək səviyyədir. Qeyd edək ki, 1973-cü ildən bu yana ölkədə belə hal baş verməyib.
Banker.az bu barədə “Qazeta”ya istinadən xəbər verir.
İqtisadçılar hesab edirlər ki, rekord inflyasiya Avropa Mərkəzi Bankının gələn ay faiz dərəcələrini artırması üçün əsasları gücləndirir. Bundan əvvəl Sol Partiyadan olan deputat Sarah Vaqenknext demişdi ki, Almaniya hökumətinin yeni yardım paketi kommunal xidmətlər, yanacaq və ərzaq məhsulları üçün “partlayıcı” qiymətlərlə mübarizə aparmağa kömək etməyəcək.
