Almaniya Federal Statistika Agentliyinin (“Destatis”) ilkin məlumatları təqdim edən hesabatına əsasən, Almaniya iqtisadiyyatı 2023-cü ilin dördüncü rübündə əvvəlki üç ayla müqayisədə 0.3% azalıb.
İllik ifadədə və iş günlərinin sayına uyğunlaşdırılmış şəkildə ÜDM daralması 0.2% təşkil edib.
İlkin məlumatlar analitiklərin “Trading Economics” tərəfindən verilən konsensus proqnozu ilə üst-üstə düşüb.
Beləliklə, Almaniya iqtisadiyyatı iki rüb ardıcıl olaraq illik ifadədə daraldı ki, bu da tənəzzülün texniki tərifinə cavab verir, “Trading Economics” qeyd edir. Sonuncu dəfə Almaniyada tənəzzül 2020-2021-ci illərdə qeydə alınıb.
“Destatis” hesabatında qeyd olunur ki, ötən rübdə iqtisadi artım biznes kapitalına qoyulan investisiyaların azalmasından mənfi təsir göstərib. Dördüncü rüb üçün Almaniyanın ÜDM dinamikası ilə bağlı yekun məlumatları fevralın 23-də “Destatis” dərc edəcək.
