Onlayn riteyler dünyanın ən böyük reklamverəni statusunu qazanıb. Qeyd edildiyi kimi, 2019-cu ildə şirkət reklama 11 milyard dollar xərcləyib ki, bu da qlobal reklam xərclərinin 2%-ni təşkil edir.
Banker.az “VC.ru”ya istinadən xəbər verir ki, “Amazon” nun reklam xərcləri 34% artaraq (2,8 milyard dollar) 11 milyard dollara çatıb. Son on il ərzində şirkət reklam xərclərini 20 dəfə artırıb: 593 milyon dollardan (2009-cu il) 11 milyard dollara qədər (2019-cu il).
İllik hesabatda şirkətin satışlarının 20% artaraq 280,5 milyard dollara qədər artması göstərilib. Marketinq xərcləri 18,9 milyard dollar təşkil edib: 11 milyard dollar reklam xərcləri və 7,9 milyard dollar digər xərclər.
Xatırladaq ki, daha əvvəl dünyanın ən böyük reklamverəni “Procter & Gamble” şirkəti olmuşdur. 2019-cu ildə “P&G” ın reklam xərcləri 350 milyon dollar azalaraq 6,8 milyard dollara qədər düşüb. Marketinqlə əlaqəli olan digər xərclər 19,1 milyard dollar təşkil edib.
