“Amazon” öz işçilərinə pulsuz təhsil əldə etmək imkanını verəcək: İT nəhənginin 750 mindən çox işçisi işəgötürənin hesabına kollec və universitetlərdə bakalavr dərəcəsi ala biləcək.
Banker.az bu barədə “Secretmag”a istinadən xəbər verir.
Satıcı şirkətdə üç aydan çox işləyən işçiləri üçün kitab alışı və təhsil haqqını öz üzərinə götürməyə qərar verib. Bu barədə “The Wall Street Journal” (WSJ) məlumat yayıb.
Nəşr “Amazon”un pandemiya dövründə 400 000 yeni işçi götürdüyünü və kadr axınını azaltmaq istədiyini qeyd edib. Gələcəkdə texnologiya nəhəngi on minlərlə əlavə işçi götürəcək və onları sifarişlərin qəbulu mərkəzlərinə və çatdırılma şəbəkələrinə təyin edəcək.
“Amazon” sözçüsü işçilərin seçim etməkdə azad olduqlarını və əyani və ya onlayn kursları keçə biləcəklərini söyləyib. Mənbə, həftədə 20 saat (part-time) işləyən işçilərin də kollec müavinətlərindən istifadə edə biləcəklərini, lakin pərakəndə satıcı bu xərclərin yalnız 50%-ni ödəyəcəyini əlavə edib. Saatlıq əmək haqqı alan işçilər üçün bu bonus şirkətdə 90 gün işlədikdən sonra veriləcək.
2021 -ci ilin yazında ABŞ-ın daha iki böyük pərakəndə şirkəti “Walmart” və “Target” işçilər üçün pulsuz kollec təhsili proqramlarını təklif edib.
“Amazon” ənənəvi pərakəndə satışda iştirakını genişləndirməyi planlaşdırır. Şirkət öz mağazalarını açmaq istəyir – yeni pərakəndə satış sahəsi ənənəvi mağazalardan bir qədər kiçik olacaq və çeşiddə aparıcı istehlakçı markalarının məhsullarını təklif edəcək.
