“Amazon” “TikTok”un ABŞ bölməsini almaq üçün müraciət edib, bu barədə “The New York Times” mənbələrə istinadən yazıb. “Amazon” məlumatı şərh etməkdən imtina edib. Bu xəbərdən sonra onlayn pərakəndə satış şirkətinin səhmləri 1.8% bahalaşıb.
Martın 30-da ABŞ prezidenti Donald Tramp bildirib ki, “TikTok”un ABŞ bölməsinin satışı ilə bağlı sövdələşmə aprelin 5-dək bağlanacaq. “Reuters” agentliyinin məlumatına görə, cənab Tramp qəbul edilən müraciətlərlə bağlı yekun qərarı dünən, aprelin 2-də verib. Mediada əsas alıcılar arasında “Blackstone”, “Microsoft”, “Oracle” və milyarder İlon Maskın adı çəkilir.
