15 C
Baku
Monday, April 22, 2024

AMB işçilərinin tibbi sığortalanması üçün sığortaçı seçir

Azərbaycan Mərkəzi Bankı (AMB) öz əməkdaşlarının tibbi sığortalanması üçün tender elan edib. Bu barədə  AMB-dən məlumat verilib.

Qalibin seçilməsi zaman maliyyə şərtləri, xidmətlər paketi üzrə sığorta şərtləri, eləcə də korporativ müştərilərə analoji xidmətlərin göstərilməsi təcrübəsi qiymətləndiriləcək.

Tender iştirakçları son bir ildəki maliyyə vəziyyəti barədə bank arayışını, 2013-cü il üzrə auditor rəyi ilə təsdiq edilmiş maliyyə hesabatını, vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafıq vergi orqanından arayışı, sığorta qanunvericiliyinə uyğun olaraq onunla əlaqəli şəxs olmayan və ya iddiaçı üzərində əhəmiyyətli nəzarəti həyata keçirməyən ən azı iki korporativ müştəri tərəfindən verilən tövsiyə məktubunu, iddiaçıya Azərbaycan Respublikasında sığorta fəaliyyətini həyata keçirmək hüququ verən xüsusi razılığın (lisenziyanın) və tibbi sığorta fəaliyyətinin həyata keçirilməsinə icazənin surətini təqdim etməlidirlər.

Şərtlərə əsasən, tenderin qalibi 2014-cü il noyabrın 27-dən etibarən 12 ay ərzində bu cür xidmətlər göstərməlidir.

Tenderdə iştirak haqqı 150 manatdır. Tender təklifləri sentyabrın 26-na qədər qəbul ediləcək. Təkliflər zərfi oktyabrın 9-da açılacaq.

Hazırda AMB-nin əməkdaşları “PAŞA Sığorta” tərəfindən sığortalanıb.

“PAŞA Holdinq” qrupuna daxil olan “PAŞA Sığorta” şirkəti 2006-cı ilin iyul ayında fəaliyyət üçün lisenziya alıb. ASC 31 növ sığorta xidməti göstərir. Nizamnamə kapitalı 50 mln. manata, aktivləri 77 mln. manata bərabərdir. Şirkət topladığı sığorta haqları və həyata keçirdiyi ödənişlərə görə Azərbaycanda liderdir.

İnterfax.az

Son xəbərlər
Document

Rəqəmsal Həlləri

  • ERP Sistemi
  • CRM Müştəri Bazası
  • POS Kassa və Satış
  • İcarə
  • Layihələr
  • Anbar
  • Maliyyə
  • İnsan Resursları
  • İstehsalat
  • Satınalma
  • Tapşırıqlar
  • Ticketing
  • Çağrı Mərkəzi
  • Analitika
  • Elektron Ticarət
  • ERP Sistemi
Digər xəbərlər