15 C
Baku
Şənbə, Oktyabr 16, 2021

AMB-yə inzibati deyil, təşviqedici metoddan istifadə tövsiyə edilir

Screen Shot 2021 09 02 at 14.34.20

Azərbaycan Mərkəzi Bankının elan etdiyi statistikaya görə, bankların kredit faizləri ilə depozitlər üzrə dividend faizləri arasındakı yüksək fərq hələ qalmaqdadır.

Son statistikaya görə, xarici valyutada depozitlərə orta hesabla 1.76 faiz dividend ödədiyi halda dollar kreditlərini orta hesabla 5.18 faizlə təklif edirlər. Rəsmi statitika göstərir ki, xarici valyutada kreditlər ilə depozit dividendləri arasında 3 dəfə fərq var. Yəni, banklar cəlb etdikləri depozitləri 3 dəfə daha baha şəkildə kredit formasında təklif edilər.

Bu barədə iqtisadçı-ekspert, Milli Məclisin deputatı Vüqar Bayramov bildirir ki, manatla depozitlərə orta hesabla 8.62 faiz ödənilir.  Manatla kreditlər üzrə orta faiz isə 13.75 faizdir.  Fiziki şəxslər üzrə orta kredit faizi isə 16 faizdən çoxdur.

vuqar bayramov
Vüqar Bayramov (solda)

“Rəsmi rəqəmlərin müqayisəsi göstərir ki, manatla orta kredit faizləri ilə depozitlər üzrə dividend faizləri arasında da fərq az deyil. Qeyd etmək lazımdır, Mərkəzi Bankın elan etdiyi bu göstəricilər orta rəqəmlərdir. Sistem əhəmiyyətli bankların əksəriyyətində manat üzrə depozit faizləri 6 faizdir, xarici valyutada əmanətlərə isə, demək olar, dividend ödənilmir”.

Bayramov deyir ki, Mərkəzi Bank tərəfindən bank sektorunda rəqabətin gücləndirilməsi ilə bağlı sistemli və daha ünvanlı tədbirlərin genişləndirilməsinə ehtiyac var.

“Göründüyü kimi, kredit faizləri ilə depozt faizləri arasında mütənasibliyin formalaşması və xüsusən də ucuz kreditlərin təklif olunmasına nail olunması vacibdir. Aydındır ki, kredit faizlərinin optimallaşdırılması üçün inzibati deyil, daha çox təşviqedici metodlardan istifadə edilməsi məqsədəuyğundur”.

Screen Shot 2021 09 23 at 11.36.43
Son xəbərlər
360 380
Oxşar xəbərlər