ABŞ-ın “American Airlines Group Inc” aviadaşıyıcısı səyahət məhdudiyyətləri səbəbi ilə likvidliyini yaxşılaşdırmaq üçün 3,5 milyard ABŞ dolları məbləğində yeni maliyyələşmə cəlb etməyi planlaşdırır.
Bu barədə “Reuters” xəbər verir.
Məlumata görə, şirkət 2025-ci ilə qədər səhmlər və konvertasiya edilə bilən notlarını sataraq 1,5 milyard ABŞ dolları cəlb etməyi planlaşdırır. Bundan başqa, aviadaşıyıcı 1,5 milyard ABŞ dolları dəyərində təmin edilmiş not təklif edəcəyini və 0,5 milyard ABŞ dolları məbləğində isə kredit cəlb edəcəyini bildirib.
