Gallup araşdırma şirkətinin məlumatına görə, Ağ Ev administrasiyasının, ABŞ Konqresinin və ümumi siyasətçilərin qeyri-effektiv idarəçiliyini düşünən amerikalıların nisbəti kəskin şəkildə böyüyüb.
Banker.az xəbər verir ki, bu məlumatlar, ABŞ-da fevralın 1-dən fevralın 10-dək, 2019-cu il tarixində (pdf) şirkət tərəfindən aparılan ictimai rəy sorğusunun nəticələri ilə təsdiq olunur.
Respondentlərin 12% -i əsas iqtisadi problem olaraq büdcə kəsirini və ABŞ-ın milli borcunu göstərmişdir. Qeyri-iqtisadi xarakterli problemlər sırasına isə amerikalıların 35% -i “hökumət, pis idarəçilik və siyasətçilər”-i daxil etmişlər.
Gallup qeyd edir ki, hökumətin mənfi qiymətləndirməsinə dair əvvəlki rekord (33%) 2013-cü ildə büdcə böhranı və federal hökumətin işinin dayandırılması fonunda göstərilib.
Qeyd edildiyi kimi, 2001-2009-cu illərdə hökumətin, ABŞ Konqresinin və siyasətçilərin işlərinin mənfi qiymətləndirmələri ortalama ilə 10% səviyyəsində olub. Hal-hazırda isə kəskin artım müşahidə olunur.
