Amerikanın “Google” korporasiyası yeni Android 14 əməliyyat sistemini buraxıb, Banker.az bu barədə xarici mediaya istinadən xəbər verir. Yeni ƏS Android 6.0 və sistemin daha yeni versiyaları üçün nəzərdə tutulmayan köhnə proqramların quraşdırılmasını qadağan edir.
Android 14-də ən diqqətəlayiq yeniliklərdən biri təkmil kilid ekranı seçimlərinin təqdim edilməsidir. Bundan əlavə, kilid ekranında cihazın yerləşdiyi mühitə uyğunlaşan qadcetləri yerləşdirə bilərsiniz.
Eyni zamanda, Android 14-də neyron şəbəkəyə əsaslanan divar kağızı generatoru əlavə edilib. Onu yaratmaq üçün gələcək təsvirin mövzusunu seçmək və rəng, tekstur və digər kimi parametrlər seçmək kifayətdir.
“Health Connect” bütünlüklə Android 14-ə inteqrasiya olunub, bu o deməkdir ki, istifadəçilər ayrıca proqram quraşdırmadan sağlamlıq məlumatlarına daxil ola biləcəklər.
Android 14 hazırda “Google Pixel” smartfonlarının istifadəçiləri üçün əlçatandır. Yaxın zamanda əməliyyat sistemi “Samsung”, “Oppo”, “Xiaomi”, “Realme”, “Nothing” və “Vivo” kimi digər istehsalçıların smartfonlarında görünəcək.
