8 C
Baku
Şənbə, Yanvar 22, 2022

Antisanitar şəraitdə fəaliyyət göstərən qənd sexinin fəaliyyəti məhdudlaşdırılıb

Azərbaycan Respublikasının Qida Təhlükəsizliyi Agentliyinin (AQTA) əməkdaşları Gəncə şəhəri, 38-ci Hərbi şəhərcik ünvanında fəaliyyət göstərən, Zeynalzadə Qalib Sevindik oğluna məxsus qənd sexində yoxlama keçirib.

Banker.az AQTA-ya istinadən xəbər verir ki, yoxlama zamanı subyektin qida təhlükəsizliyi qeydiyyatından keçmədən, müvafiq sahədə normativ hüquqi aktların və sanitariya-gigiyena qaydalarının tələblərinə riayət olunmadan fəaliyyət göstərdiyi müəyyən olunub. Belə ki, məhsulların qablaşdırmasında istehsal tarixinin düzgün qeyd edilmədiyi, həmçinin etiket məlumatında istehsalçı və məhsulun tərkibi haqqında dolğun məlumatların olmadığı və digər nöqsanlar aşkar olunub. Müayinələrin aparılması üçün məhsullardan nümunələr götürülərək Azərbaycan Qida Təhlükəsizliyi İnstitutunun müvafiq laboratoriyasına təqdim olunub. Aşkar olunmuş faktlarla bağlı qanunvericiliyə uyğun olaraq sahibkar barəsində protokol tərtib edilib, müəssisənin fəaliyyəti məhdudlaşdırılıb.

Son xəbərlər
Oxşar xəbərlər