Martın sonunda “Apple” Hindistandan ABŞ-yə beş təyyarə dolusu iPhone və digər cihazları idxal edib. Bu yolla şirkət idxal rüsumlarının tətbiqinə qədər ehtiyat yaratmağa çalışıb. “The Times of India” yazır ki, “Apple” fəal şəkildə Çindən cihazlar alır.
Mənbələrin qeyd etdiyi kimi, iPhone və digər qadcetlərin ehtiyatlarının artması şirkətə bir müddət onların qiymətlərini artırmamağa kömək edəcək. “Rosenblatt Securities” investisiya şirkətinin hesablamalarına görə, tariflərin artması ilə əlaqədar olaraq, “Apple” bu xərcləri tamamilə alıcılara ötürsə, ABŞ-də iPhone-ların qiymətləri 43% arta bilər.
Tarif artımından əvvəlki son bir ayda Amerika şirkətləri müxtəlif sektorlardan aktiv alışlar edirdilər. Bu səbəbdən, “Xeneta” xidmətinin hesablamalarına görə, son həftələrdə Çindən ABŞ-yə təcili hava yüklərinin çatdırılmasının orta qiyməti 37% artıb.
