Amerikanın “Apple” korporasiyası istifadəçinin üzünü tanıya və Face ID-dən istifadə edərək qapını aça bilən ağıllı qapı zəngi hazırlamağa başlayıb. Bu barədə şirkətdəki mənbələrə istinadən “Bloomberg” məlumat yayıb.
Şirkət ev cihazlarını idarə etmək üçün Face ID-ni Apple HomeKit platformasına tam inteqrasiya etmək istəyir. “Apple” həmçinin ağıllı zənglərin funksionallığını smart kilidlərlə birləşdirməyə hazırlaşır.
Yeni cihaz “Amazon Ring” və “Google Nest”ə rəqib olacaq, lakin “Apple” onu daha rahat və təhlükəsiz edəcək. Nəşrin mənbəsinin sözlərinə görə, inkişaf ilkin mərhələdədir və qurğu bazara yalnız 2025-ci ilin sonuna kimi daxil ola bilər.
