“Apple” şirkəti yeni proqram təminatı vasitəsilə iPad-ları kompüterin analoquna çevirmək niyyətindədir, Banker.az bu barədə “Kommersant”a istinadən xəbər verir.
Qeyd edək ki, hal-hazırda iPad istifadəçiləri tətbiqləri tam ölçülü ekran rejimində aça bilirlər. Şirkətin istehsal edəcəyi yeni planşetlər MacBook-a quraşdırılan prosessorlar alacağını nəzərə alsaq, iPad-ın interfeysini yeniləmək məntiqli görünür.
“Bloomberg”in redaktoru Mark Qurmanın sözlərinə görə, iPad OS 16 əməliyyat sisteminin çıxması ilə “Apple” planşetləri daha böyük olacaq və MacBook-lara bənzəyəcək. Yeniliklərdən biri də eyni anda bir neçə tətbiqdə işləmək imkanı olacaq.
Xatırladaq ki, iPhone, Mac, Apple TV və digər qurğular üçün yeni əməliyyat sistemi iyunun 6-10 tarixində keçiriləcək illik konfransda təqdim ediləcək.
