Amerikanın “Apple” korporasiyası M4 prosessoru ilə təchiz edilmiş “MacBook Air” noutbuklarının yenilənmiş seriyasını təqdim edib. Cihazların qiyməti əvvəlki nəsillə müqayisədə 100 dollar ucuzlaşıb: 13 düymlük modelin qiyməti hazırda 999 dollar, 15 düymlük modelin qiyməti isə 1199 dollardır. Noutbuklar martın 12-də satışa çıxarılacaq.
Yeni “MacBook Air” 12 MP kamera alıb və 18 saata qədər batareyanın ömrünü təmin edir. Noutbuk konfiqurasiyadan asılı olaraq 16 GB-dan 32 GB-a qədər operativ yaddaş, 256 GB-dan 2 TB-a daxili yaddaş alıb.
Xatırladaq ki, daha öncə “Apple” iPhone 16e smartfonunu və süni intellekt texnologiyasını dəstəkləyən iPad modellərini təqdim edib.
